.gif)
 (1).png){kind=logo}
.png)
कुम्भस्नान गर्न हिंडेका तीर्थयात्री चढेको गाडी दुर्घटना, १० जनाको मृत्यु
काठमाडौं । भारतमा महाकुम्भ मेला स्नान गर्न गएका दर्शनार्थी चढेको सवारीसाधन दुर्घटनामा पर्दा १० जनाको ज्यान गएको छ । उत्तर प्रदेशको प्रयागराजमा भएको दुर्घटनामा १० जनाको ज्यान गएको हो । दुर्घटनामा अन्य १० जना घाइते भएका छन् ।
बोलेरो र बस एक आपसमा ठोक्किँदा सो दुर्घटना भएको भारतीय सञ्चारमाध्यमले जनाएका छन् । बस र बोलेरोमा सवार सबै मध्यप्रदेश र छत्तीसगढका बासिन्दा रहेका बताइएको छ । प्रयागराज–मिर्जापुर राजमार्गमा शुक्रबार राति सो दुर्घटना भएको थियो । ज्यान गुमाउने सबै बोलेरोमा सवार तीर्थयात्री छन् । उनीहरू सबै छत्तीसगढको कोरबा जिल्लाका बासिन्दा रहेका र मेलामा स्नान गर्न जाँदै गरेका बताइएको छ ।
दुर्घटनामा बसमा सवार १० जना यात्रु घाइते भएका छन् । उनीहरू मेलामा स्नान गरेर वाराणसी फर्किरहेका थिए । घाइते सबैलाई अस्पताल भर्ना गरिएको छ । बसमा सवार सबै मध्य प्रदेशको राजगढ जिल्लाका बासिन्दा भएको बुझिएको छ ।
