तीनकुनेमा टिपरले मोटरसाइकललाई ठक्कर दिंदा दुई जनाको मृत्यु

---

नयाँ पेज

२०८१ चैत २ शनिबार १७:१६ बजे

काठमाडौं । काठमाडौंको तीनकुनेमा टिपरले मोटरसाइकललाई ठक्कर दिँदा दुई जनाको मृत्यु भएको छ । एक जना घाइते भएका छन् । रा १ ख २६२२ नम्बरको टिपरले प्र३–०२–००३ प ६२४५ नम्बरको मोटरसाइकललाई ठक्कर दिंदा काभ्रेको पनौती नगरपालिका–११ का सुकराम तामाङ र बेथानचोक गाउँपालिका–६ का रमेश तामाङको मृत्यु भएको हो।

टिपरले आज बिहान साढे ४ बजे तीनकुनेको गैरीगाउँस्थित प्रेट्रोल पम्प अगाडिको सडकमा मोटरसाइकललाई ठक्कर दिएको थियो । टिपरको ठक्करबाट सुकराम र रमेश घाइते भएका थिए । उनीहरुलाई उद्धार गरी ट्रमा सेन्टरमा पुर्‍याइएको थियो । उपचारकै क्रममा बिहान उनीहरुको मृत्यु भएको प्रहरी वृत्त बानेश्वरले जनाएको छ । ठक्कर दिने टिपरका चालक फरार रहेका छन् । टिपरको मालिक भने सम्पर्कमा आएको प्रहरीले जनाएको छ ।