.gif)
 (1).png){kind=logo}
.png)
पत्रकार रजकलाई गोली लागेको पाइएन
काठमाडौं । काठमाडौंको तीनकुनेमा राजावादीले गत चैत १५ गते गरेको हिंसात्मक प्रदर्शनका क्रममा मृत्यु भएका पत्रकार सुरेश रजकलाई गोली नलागेको पुष्टि भएको छ । प्रहरी स्रोतका अनुसार चिकित्सकले एक्सरे गरेर हेर्दा पत्रकार रजकलाई गोली नलागेको पाइएको हो ।
उनलाई गोली लागेको भनेर प्रचार भएसँगै चिकित्सकहरूले त्यसबारे यकिन गर्न एक्स–रे गर्नुपर्ने अडान राखेका थिए । तर एक्सरे गर्दा उनको शरीरमा गोली लागेको नपाइएपछि पोस्टमार्टम गरेर आज शव परिवारलाई बुझाउन लागिएको प्रहरीले जनाएको छ । रजकको शव त्रिवि शिक्षण अस्पतालमै छ ।
तीनकुनेमा प्रदर्शनकारीहरुले आगजनी गरेको घरमा उनी मृत भेटिएका थिए । त्यसो त प्रहरीले यसअघि नै गोली लागेको हल्लाको खण्डन गरिसकेको थियो । ३३ वर्षीय रजकको शरीरको ७० प्रतिशत जलेको प्रहरीले प्रारम्भिक रूपमा बताएको छ । उनको कम्मरभन्दा माथिको भाग चिन्नै नसकिने अवस्थामा शव भेटिएको थियो ।
