.gif)
 (1).png){kind=logo}
.png)
मन्त्री चौधरीले गरे नेपाल स्काउट पुनर्गठन, शुद्धीकरण अभियानको आन्दोलन स्थगित
काठमाडौं । युवा तथा खेलकुद मन्त्री तेजुलाल चौधरीले नेपाल स्काउटको राष्ट्रिय कार्य समितिमा फेरबदल र पुनर्गठन गरेका छन् । यसअघि प्रमुख आयुक्त महेन्द्र रञ्जितलाई बर्खास्त गरेका चौधरीले फेरि पुनर्गठन गरेर १४ सदस्यीय कार्य समिति घोषणा गरेका हुन् ।
देवराज घिमिरे प्रमुख आयुक्त रहेको कार्य समितिलाई बिहीबारै शपथ ग्रहण समेत गराइएको छ । चैत ५ गते गठित कार्य समितिमा सदस्य र आयुक्तहरू थप गरेर नयाँ कार्य समिति बनेको हो । यसैबीच नेपाल सरकार, युवा तथा खेलकुद मन्त्रालयले सहसचिव सुवास चन्द्र शिवाकोटीको नेतृत्वमा गठन गरेको सरकारी वार्ता टोली र नेपाल स्काउट शुद्धीकरण अभियानको वार्ता टोलीबीच पाँच बुँदे सहमति भएको छ ।
मन्त्रालयमा बुधबार अबेर भएको सहमतिमा नेपाल स्काउट शुद्धीकरण अभियानले उठाएका माग सम्बोधन गर्ने गरी चैत १६ गते मन्त्रालयकै उपसचिव रमा भट्टराईको नेतृत्वमा गठित छानबिन समितिलाई ७ सदस्यीय पुर्याउने, छानबिन अवधिभर नेपाल स्काउटको कार्यालय संचालनका लागि कार्यकारी निर्देशकको रुपमा कामकाज गर्नका लागि नियमानुसार कार्यरत कर्मचारीलाई जिम्मेवारी दिने, नेपाल स्काउटको प्रधान कार्यालय लैनचौर, काठमाडौंमा जारी अनसन लगायतका आन्दोलनका कार्यक्रम स्थगित गर्ने विषयमा सहमति भएको थियो । सहमतिसँगै युवा तथा खेलकुदमन्त्री तेजुलाल चौधरीले अनसन स्थलमै पुगी ८ दिनदेखि अनसनमा रहेकोलाई जुस खुवाई आन्दोलनका कार्यक्रम स्थगित गरिएको थियो ।
प्रमुख आयुक्त देवराज घिमिरेको समेत उपस्थिति रहेको कार्यक्रममा बोल्दै मन्त्री चौधरीले स्काउटको विकासका लागि नेपाल स्काउटका नाममा देशभर रहेको जग्गालगायतका भौतिक सम्पतिको खोजबिन गरी व्यवसायिक प्रयोजनमा लगाई आयवृद्धि गर्ने कार्यमा सबै सक्रिय हुन् आह्वान गरेका थिए । बुधबार भएको सहमतिसँगै आन्दोलनका क्रममा उठाइएका मागका बारेमा वार्ता टोलीले छानबिन गरी तोकिएको समयसीमा भित्रै प्रतिवेदन पेश गर्न मन्त्री चौधरीले निर्देशन दिएका छन् ।
यस्तो छ मन्त्री चौधरीले गठन गरेको नयाँ कार्य समिति
१. देवराज घिमिरे –प्रमुख आयुक्त
२. इन्दु सुवेदी –सह–प्रमुख आयुक्त (महिला विभाग)
३. कमलबहादुर देउजा – सह–प्रमुख आयुक्त (पुरुष विभाग)
४. भुबन सुब्बा –राष्ट्रिय शैक्षिक पद्धती आयुक्त (महिला विभाग)
५. सन्तोषकुमार थापा –राष्ट्रिय शैक्षिक पद्धती आयुक्त (पुरुष विभाग)
६. स्मृति बराल –अन्तर्राष्ट्रिय आयुक्त (महिला विभाग) एवं प्रवक्ता
७. अरुण बस्नेत – राष्ट्रिय सुशासन, श्रोत विकास तथा वित्त आयुक्त
८. जहर सिंह थापा –राष्ट्रिय कार्यकारी समिति सदस्य (जनसम्पर्क विभाग)
९. सुरज खनाल – राष्ट्रिय कार्यकारी समिति सदस्य (सदस्यता वृद्धि विभाग)
१०. सुस्मिता श्रेष्ठ –राष्ट्रिय कार्यकारी समिति सदस्य (वाग्स परियोजना विभाग)
११. नारायणबहादुर कार्की –राष्ट्रिय कार्यकारी समिति सदस्य (सञ्चार विभाग)
१२. अशोककुमार थापा मगर – राष्ट्रिय कार्यकारी समिति सदस्य (विपद् व्यवस्थान विभाग)
१३. बसन्तलाल शाक्य –राष्ट्रिय कार्यकारी समिति सदस्य (ग्रामीण विकास विभाग)
१४. सुदर्शनप्रसाद भट्टराई –राष्ट्रिय कार्यकारी समिति सदस्य (सामुदायीक विकास विभाग)
