फरार प्रतिवादी खोज्न निस्किएका असइको मोटरसाइकल दुर्घटनामा मृत्यु

---

नयाँ पेज

०७:०५ बजे

बर्दिया । मोटरसाइकल दुर्घटनामा प्रहरी सहायक निरीक्षक (असई) को मृत्यु भएको छ । जिल्ला प्रहरी कार्यालय बर्दियामा कार्यरत असई टोपबहादुर बस्नेतको मोटरसाइकल दुर्घटनामा बुधबार दिउँसो मृत्यु भएको हो । 

फरार प्रतिवादी खोजतलासमा खटिएको बेला दुर्घटनामा परी असई बस्नेतको मृत्यु भएको जिल्ला प्रहरी कार्यालयका डिएसपी ऋषीराम घर्तीमगरले जानकारी दिएका छन् । नेपालगञ्ज गुलरिया सडकअन्तर्गत बाँकेको मानपुरस्थित मोटरसाइकल र ट्याक्टरको ट्रालीमा ठोक्किएर दुर्घटना भएको प्रहरीले जनाएको छ ।