बझाङमा चट्याङ लागेर वृद्धको  मृत्यु

---

नयाँ पेज

२०८१ चैत २८ बिहीबार ०९:३२ बजे

बझाङ । बझाङमा चट्याङ लागेर एक वृद्धको मृत्यु भएको छ । बुधबार साँझ वित्थडचिर गाउँपालिका–३ मा वर्षासँगै आएको चट्याङ लागेर ७८ वर्षीय धौले बोहराको मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक लोकेन्द्र ठगुन्नाले जानकारी दिए । उनले जिल्लामा चट्यानको जोखिम बढेकाले सबैलाई सतर्क रहन पनि आग्रह गरे ।