.gif)
 (1).png){kind=logo}
.png)
तीनकुने घटना : प्रसाई र मिश्रसहित २४ जनालाई तीन दिन म्याद थप
२०८२ बैशाख १० बुधबार ०४:४३ बजे
काठमाडौं । जिल्ला अदालत काठमाडौंले तीनकुने घटनाका आरोपी २४ जनालाई थप तीन दिन हिरासतमा राख्न अनुमति दिएको छ ।
न्यायाधीश ध्रुवराज कार्कीको इजलासले दुर्गा प्रसाई, रवीन्द्र मिश्रलगायत २४ जनालाई राज्यविरुद्धको कसुरमा अनुसन्धान गर्ने प्रयोजनका लागि हिरासतमा राख्न अनुमति दिएको जिल्ला प्रहरी परिसरका प्रवक्ता अपिलराज बोहराले जानकारी दिए ।
गत चैत १५ गते काठमाडौँको तीनकुनेमा प्रसाई र मिश्र नेतृत्वको समूहले विध्वंस मच्चाउँदा २ जनाको ज्यान गएको थियो भने धेरै घर, प्रतिष्ठान, सवारी साधन लगायतको सम्पत्ति तोडफोड र आगजनी गरेको थियो । उक्त घटनामा पक्राउ परेकामध्ये ८५ जना हिरासतमा छन् । ६१ जनामाथि आपराधिक उपद्रवको कसुरमा अनुसन्धान चलिरहेको छ ।
