बढ्यो सुनको मूल्य, तोलाको कति पुुग्यो ?

---

नयाँ पेज

२०८२ बैशाख ११ बिहीबार १४:५२ बजे

काठमाडौं । नेपाली बजारमा आज (बिहीबार) सुनको भाउ बढेको छ । आज सुनको मूल्य प्रतितोला २०० रुपैयाँले बढेको छ। बुधबार एकै दिन प्रतितोला सात हजार पाँच सय रूपैयाँ घटेको सुनको भाउ यस दिन प्रतितोला दुई सय रूपैयाँ बढेको हो ।

नेपाल सुनचाँदी व्यवसायी महासंघका अनुसार आज सुनको भाउ प्रतितोला एक लाख ९० हजार ६ सय रूपैयाँमा कारोबार भइरहेको छ । बुधबार सुन प्रतितोला एक लाख ९० हजार चार सय रूपैयाँमा कारोबार भएको थियो । आज चाँदीको मूल्य प्रतितोला ४५ रुपैयाँले बढेर दुई हजार १० रुपैयाँमा कारोबार भइरहेको छ । बुधबार चाँदी एक हजार ९६५ रुपैयाँमा कारोबार भएको थियो ।