आज कालीमाटीमा तरकारीको मूल्यः पालुङ्गो २००, सिताके च्याउ ८०० रुपैयाँ

---

नयाँ पेज

२०८३ भदौ ९ मंगलबार ०८:५० बजे

काठमाडौं : कालीमाटी फलफूल तथा तरकारी बजार विकास समितिले मंगलबारका लागि विभिन्न कृषिउपजको न्यूनतम थोक मूल्य सार्वजनिक गरेको छ। मूल्यसूचीअनुसार कालीमाटी बजारमा तरकारीदेखि फलफूलसम्मको मूल्यमा विविधता देखिएको छ। समितिका अनुसार ठूलो नेपाली गोलभेडाको न्यूनतम थोक मूल्य प्रतिकिलो ८० रुपैयाँ रहेको छ। भारतीय ठूलो गोलभेडा ९० रुपैयाँ र सानो टनेल गोलभेडा ५२ रुपैयाँमा कारोबार भइरहेको छ।

आलुतर्फ रातो लाम्चो र गोलो आलु प्रतिकिलो ४८ रुपैयाँ, भारतीय रातो आलु ३८ रुपैयाँ तथा सेतो आलु ३५ रुपैयाँ तोकिएको छ। भारतीय सुकेको प्याज ८५ रुपैयाँ, लोकल गाजर १०० रुपैयाँ र तराई गाजर ७० रुपैयाँ रहेको छ। बन्दाको मूल्य प्रतिकिलो २० रुपैयाँ, स्थानीय काउली ९० रुपैयाँ, रातो मूला २० रुपैयाँ र सेतो हाइब्रिड मूला २५ रुपैयाँ तोकिएको छ। लाम्चो भन्टा १५ रुपैयाँ र डल्लो भन्टा ५० रुपैयाँमा कारोबार भइरहेको छ।

त्यस्तै, तने बोडी ७० रुपैयाँ, मकै बोडी ९० रुपैयाँ तथा लोकल र हाइब्रिड घिउ सिमी ८० रुपैयाँ प्रतिकिलो रहेको छ। टाटे सिमी ७० रुपैयाँ, भटमासकोसा १०० रुपैयाँ र तितो करेला ४० रुपैयाँ तोकिएको छ। लौका ५० रुपैयाँ, लोकल परवर ६० रुपैयाँ, घिरौला १५ रुपैयाँ, पाकेको फर्सी ५० रुपैयाँ, हरियो डल्लो फर्सी ४० रुपैयाँ तथा भिण्डी ३० रुपैयाँमा कारोबार भइरहेको समितिले जनाएको छ।

सागपाततर्फ रायोको साग ८० रुपैयाँ, पालुङ्गो साग २०० रुपैयाँ, तोरीको साग ८० रुपैयाँ र हरियो प्याज १५० रुपैयाँ प्रतिकिलो रहेको छ। च्याउमध्ये कन्य च्याउ २५० रुपैयाँ, डल्ले च्याउ ४५० रुपैयाँ, राजा च्याउ ३०० रुपैयाँ र सिताके च्याउ ८०० रुपैयाँ प्रतिकिलो रहेको छ। कुरिलो ४०० रुपैयाँ, न्यूरो ९० रुपैयाँ, ब्रोकाउली १४० रुपैयाँ, चुकन्दर ६० रुपैयाँ, सेलरी ४०० रुपैयाँ, पुदीना ६०० रुपैयाँ र गान्टे मूला १०० रुपैयाँ तोकिएको छ।

फलफूलतर्फ फुजी स्याउको मूल्य प्रतिकिलो ३०० रुपैयाँ रहेको छ। नेपाली केरा प्रतिदर्जन २५० रुपैयाँ र मालभोग केरा १८० रुपैयाँमा कारोबार भइरहेको छ। त्यस्तै, कागती प्रतिकिलो २५० रुपैयाँ, अनार २५० रुपैयाँ, मालदह आँप २५० रुपैयाँ, चोसा आँप २३० रुपैयाँ तथा हरियो तरबुजा ५० रुपैयाँ प्रतिकिलो रहेको समितिको मूल्यसूचीमा उल्लेख छ।

हेर्नूहोस् सूचीः