लगातार ओरालो लागिरहेको सुनको भाउ फेरि बढ्यो, आज तोलाको कति पुग्यो ?

---

नयाँ पेज

२०८१ कार्तिक ३० शुक्रबार १४:२३ बजे

काठमाडौं । लगातार ओरालो लागिरहेको सुनको भाउ आज (शुक्रबार) भने उकालो लागेको छ । आज नेपाली बजारमा सुनको मूल्य सामान्य वृद्धि भएको छ । नेपाल सुन चाँदी व्यवसायी महासंघका अनुसार शुक्रबार तोलामा सय रुपैयाँले बढेर प्रतितोला सुनको मूल्य  १ लाख ६० हजार १०० रुपैयाँ कायम भएको हो।

बुधबार २ हजार २०० सय रुपैयाँले घटेर प्रतितोला सुन १ लाख ६० हजार रुपैयाँमा कारोबार भएको थियो । सुनको मूल्य बढे पनि चाँदी भने घटेको छ ।  यस दिन  ३० रुपैयाँले घटेर चाँदी प्रतितोला १ हजार ९१० रुपैयाँमा कारोबार भइरहेको महासंघले जनाएको छ । बिहीबार प्रतितोला चाँदी १ हजार ९४० रुपैयाँमा खरिद बिक्री भएको थियो ।