सुर्खेतमा स्कुल बसको ठक्करबाट बालिकाको मृत्यु

---

नयाँ पेज

२०८१ कार्तिक ३० शुक्रबार १४:०९ बजे

सुर्खेत । सुर्खेतमा स्कुल बसले ठक्कर दिंदा एक बालिकाको मृत्यु भएको छ । शुक्रबार बिहान १०ः४५ बजेतिर वीरेन्द्रनगर नगरपालिका– १ को देउतीथान नजिकैको भित्री सडकमा कर्णाली प्रदेश ०२००१ क ००६८ नम्बरको स्कुल बसले ठक्कर दिँदा वीरेन्द्रनगर – १ का सुरेश सुनारकी तीन वर्षीया छोरी समीक्षा सुनारको मृत्यु भएको जिल्ला ट्राफिक कार्यालय सुर्खेतले जनाएको छ ।

५५ वर्षका चालक बालकृष्ण गिरीले चलाएको श्री सनसाइन एकेडेमी बोर्डिङ स्कुलको बसले बालिकालाई ठक्कर दिँदा बालिकाको घटनास्थलमै मृत्यु भएको प्रहरीले जनाएको छ । अहिले चालक र गाडी प्रहरीको नियन्त्रणमा छन् ।बालिकाको शव घटनास्थलमै छ । जिल्ला प्रहरी कार्यालयबाट डीएसपी नेतृत्वको टोली पनि घटनास्थलमै रहेको प्रहरीले जनाएको छ । बांगेसिमलबाट देउतीथानतर्फ आउँदै गरेको बसले बालिकालाई ठक्कर दिएको हो ।