.gif)
 (1).png){kind=logo}
.png)
कीर्तिपुरमा अब एउटा वडाको मात्र मत गणना बाँकी, अहिलेसम्म कसले कति ल्याए ?
१४:१६ बजे
काठमाडौं । कीर्तिपुर नगरपालिकाको मत गणना अन्तिम चरणमा पुगेको छ । निर्वाचन अधिकृत इन्दिरा कार्कीका अनुसार १० मध्ये ९ वटा वडाको गणना सकिएको छ । अहिले वडा नम्बर १० को गणना जारी छ ।
कांग्रेसका कृष्णमान डंगोलको अग्रता निरन्तर छ । डंगोलले ५ हजार ६९ मत पाएका छन् । दोस्रोका लागि एमाले र माओवादीबीच तीब्र प्रतिष्पर्धा छ । वडा नं १० को मतगणना भइरहँदा माओवादीका शिवशरण महर्जनले ४ हजार ११९ मत पाएर एमालेलाई उछिनेका छन् । एमालेका उम्मेदवार सुरेन्द्र मानन्धरको मत ३ हजार ९९७ मत छ ।
माओवादीले पाएको यो मत अघिल्लो चुनावको भन्दा बढी हो । २०७९ को चुनावमा कीर्तिपुरको प्रमुखमा जम्मा ४ हजार ९५ मत मात्र पाएको थियो । अब १ हजार ३ सय हाराहारी मत गन्न बाँकी छ । कीर्तिपुरलाई ठूला दलहरुले प्रतिष्ठासँग जोडेर हेरेको देखिएको छ ।
