.gif)
 (1).png){kind=logo}
.png)
कञ्चनपुर प्रहरी कार्यालयभित्रै चल्यो गोली
कञ्चनपुर । जिल्ला प्रहरी कार्यालय कञ्चनपुरभित्रै गोली चलेको छ । आज (शुक्रबार) साँझ जिल्ला प्रहरी कार्यालयमा कार्यरत प्रहरी जवान चक्रप्रसाद न्यौपानेले आफैंमाथि गोली चलाएका हुन् ।
शुक्रबार बेलुकी साढे ६ बजे जिल्ला प्रहरी कार्यालय कञ्चनपुरको हतियार राख्ने कोठाभित्र न्यौपानेले आफैमाथि गोली चलाएका थिए । अछाम घर भएका प्रहरी जवान न्यौपाने जिप्रकाको प्रबन्ध शाखामा कार्यरत थिए । शुक्रबार फाइरिङ तालिम राखिएको थियो । हातहतियार मिलाउने तथा रेकर्ड राख्ने जिम्मा न्यौपानेलाई थियो । न्यौपानेले हतियार राख्ने कोठामै पेस्तोल चलाएर आफूमाथि गोली प्रहार गरे ।
टाउकोमा गोली लागेपछि गम्भीर घाइते भएका न्यौपानेलाई तत्कालै महाकाली अस्पतालमा उपचारका लगिएको थियो । तर त्यहाँबाट उपचारका लागि धनगढी पठाइएको कञ्चनपुर प्रहरीले जनाएको छ । प्रहरीले घटनाको अनुसन्धान अगाडि बढाएको छ । जिल्ला प्रहरी कार्यालय कञ्चनपुरका डीएसपी उमेश जोशीका अनुसार गोली लागेर गम्भीर घाइते प्रहरी जवान न्यौपानेलाई महाकाली अस्पालमा उपचार सम्भव नभएपछि धनगढी रेफर गरिएको छ ।
