.gif)
 (1).png){kind=logo}
.png)
काठमाडौं ल्याउने क्रममा प्रहरीलाई छलेर भागेका नाइजेरियन नागरिक समातिए
काठमाडौं । काठमाडौं ल्याउने क्रममा सिन्धुलीबाट प्रहरीलाई छलेर भागेका नाइजेरियन नागरिक ओलुवासोगो ग्लोरीलाई प्रहरीले दुई दिनपछि समातेको छ । भोजपुरबाट काठमाडौं ल्याउने क्रममा सिन्धुलीको गोलन्जोरबाट फरार उनलाई प्रहरीले २४ घण्टाभित्रै नियन्त्रणमा लिएको हो । सिन्धुलीका एसपी गोविन्द काफ्लेले गाडी चढेर काठमाडौं जानेक्रममा प्रहरी चौकी गढीको टोलीले उनलाई नियन्त्रणमा लिएको बताए ।
मंगलबार बिहानै भागेका उनी जंगलमा बसेको र पछि मुख्य सडकमा देखिएको खबर पाएसँगै प्रहरीले निगरानी बढाएको एसपी काफ्लेको भनाई छ । २५ वर्षीय ग्लोरीलाई भोजपुर प्रहरीले माघ ७ गते पौवादुम्मा गाउँपालिकाबाट नियन्त्रणमा लिएको थियो । प्रहरी हवल्दारको कमाण्डमा को १ झ ६१६ नम्बरको गाडीमा राखेर काठमाडौं पठाउने क्रममा शौच गर्ने बहानामा उनी फरार भएका थिए । उनलाई अध्यागमन विभागको मुद्दा शाखामा उपस्थित गराउने तयारी प्रहरीको थियो ।
