.gif)
 (1).png){kind=logo}
.png)
तीन वर्ष नेपाल आउन नपाउने गरी १० विदेशी निष्कासित
२०८३ कार्तिक २० शुक्रबार १७:२४ बजे
काठमाडौं : अध्यागमन विभागले भिसाको उद्देश्यविपरीत गतिविधिमा संलग्न भएको पाइएपछि १० विदेशी नागरिकलाई नेपालबाट निष्कासन गरेको छ ।
मोरङको कानेपोखरी गाउँपालिका–७, बरगाछीस्थित ‘मर्सी डेभलपमेन्ट’ नामक संस्थाले आयोजना गरेको कार्यक्रममा सहभागी हुन नेपाल आएका उनीहरूलाई तीन वर्षसम्म पुनः नेपाल प्रवेश गर्न नपाउने गरी निष्कासन गर्ने निर्णय गरिएको विभागले जनाएको छ ।
पर्यटक भिसामा नेपाल आएका उनीहरूले भिसाको उद्देश्यविपरीत काम गरी अध्यागमन कानुन उल्लंघन गरेको विभागको भनाइ छ ।
सोही कसुरमा उनीहरूलाई जनही ५० हजार रुपैयाँ जरिबाना गरी निष्कासन गर्ने निर्णय गरिएको हो ।
निष्कासित हुनेमा अमेरिकाका पाँच, ब्राजिलका दुई र क्यानडाका तीन जना छन् । उनीहरूमध्ये एक जना नाबालकसमेत छन् ।
नाबालकलाई भने आमाबुबासँगै नेपालबाट प्रस्थान गराउने निर्णय भएको विभागले जनाएको छ ।
