एनपीएल पहिलो क्वालिफायर : लुम्बिनीले टस जितेर बलिङ रोज्यो
काठमाडौं : नेपाल प्रिमियर लिग (एनपीएल) को तेस्रो संस्करणको पहिलो क्वालिफायरमा साविक विजेता लुम्बिनी लायन्स र सुदूरपश्चिम रोयल्सबीच प्रतिस्पर्धा हुँदैछ ।
लुम्बिनीले टस जितेर बलिङ रोजेपछि सुदूरपश्चिमले पहिले ब्याटिङ गर्ने भएको हो । लुम्बिनीले अघिल्लो खेलको टोलीमा कुनै परिवर्तन गरेको छैन ।

सुदूरपश्चिमले भने तीन खेलाडी परिवर्तन गरेको छ । दीपक बोहराको स्थानमा अविनाश बोहरा, फाबियन एलनको स्थानमा थनुका दबारे र ब्रान्डन म्याकमुलेनको स्थानमा जर्ज मन्से पहिलो रोजाइमा परेका छन् ।
स्कटल्यान्डका अलराउन्डर म्याकमुलेन आईएल टी–२० खेल्न यूएई गएपछि उनको स्थानमा आएका मन्सेले पहिलो पटक पहिलो रोजाइमा खेल्ने भएका हुन् ।
.gif)

.png)




