जनकपुर बोल्ट्सका ललितले पाए बाइक
काठमाडौं । नेपाल प्रिमियर लिग (एनपीएल) मा उत्कृष्ट प्रदर्शन गर्दै जनकपुर बोल्ट्सका स्पिनर ललितनारायण राजवंशीले बाइक जितेका छन् । राजवंशीले प्रतियोगितामा १० इनिङ्स बलिङ गर्दै ४० ओभरमा २१३ रन खर्चिएर १७ विकेट लिएका थिए ।
यसै शानदार प्रदर्शनले जनकपुरलाई उपाधि दिलाउन महत्वपूर्ण भूमिका खेल्यो । एनपिएलमा सर्वाधिक विकेट लिने खेलाडीहरूको सूचीमा उनी दोस्रो स्थानमा रहेका छन् । जनकपुरका राजवंशीसँगै सुदूरपश्चिम रोयल्सका स्कट कुग्लिनले पनि समान १७ विकेट लिएका थिए ।