गुडिरहेको कारमा आगलागी

---

नयाँ पेज

२०८१ पौष ६ शनिबार ०७:५४ बजे

नवलपरासी । भारतीय तीर्थयात्री बोकेर नेपाल आइरहेको भारतीय नम्बर प्लेटको कारमा गुडिरहेका बेला आगलागी भएको छ । महेन्द्र राजमार्गको दाउन्ने क्षेत्रमा शनिबार गुडिरहेका बेला कारमा आगलागी भएको हो। यात्रुहरु तत्काल बाहिर निस्केर ज्यान जोगाएको प्रहरीले जानकारी दिएको छ ।

कारमा पाँच जना यात्रु सवार थिए । यात्रुको सामान र पैसा भने कारसँगै डढेको छ । के कारणले कारमा आगलागी भएको हो भन्नेबारेमा अनुसन्धान भइरहेको प्रहरीको भनाइ छ । प्रहरीका अनुसार भारतबाट काठमाडौंस्थित पशुपतिनाथ दर्शनका लागि महेन्द्र राजमार्गको दाउन्ने आइपुग्दा उक्त कारमा अचानक आगलागी भएको हो ।