महाकाली तरेर भारतीय एक्स्काभेटर नेपाल पसेपछि ...

---

नयाँ पेज

२०८१ पौष ७ आइतबार १९:३० बजे

दार्चुला । दार्चुला सदरमुकाम नजिक महाकाली नगरपालिका–५ स्थित वीरेन्द्रवन नजिक नेपाल–भारत सीमा नदी महाकाली नदीवारि (नेपालतर्फ) भारतीय एक्स्काभेटर आएको छ । आइतबार बिहान साढे ११ बजेतिर अनुमति बिना भारतीय ठेकेदार कम्पनीको एक्स्काभेटर महाकाली नदी तरेर वारि आइपुगेको हो । 

जानकारी नै नदिइ स्काभेटर लिएर आएका भारतीय चालकलाई स्थानीयले नियन्त्रणमा लिएका छन् । अहिले प्रमुख जिल्ला अधिकारीसहित सुरक्षा अधिकारी नदी किनारमा पुगेका छन् । स्थानीय र सुरक्षा अधिकारीबीच अहिले छलफल चलिरहेको छ । २०७० सालको बाढीको कटानपछि नेपाली भूभाग नदीपारि पुगेको छ ।