बससँग ठोक्किँदा ट्रक चालकको मृत्यु, ६ जना घाइते

---

नयाँ पेज

२०८१ माघ १७ बिहीबार ०३:२३ बजे

सुर्खेत । सुर्खेतको भेरीगंगामा बस र मिनी ट्रक आपसमा ठोक्किँदा एक जनाको मृत्यु भएको छ । अन्य ६ जना घाइते भएका छन्।  दुर्घटनामा ट्रक चालक दैलेख गुराँस गाउँपालिका–१ का ३१ वर्षका हिरा पुन मगरको मृत्यु भएको जिल्ला ट्राफिक प्रहरी कार्यालय सुर्खेतका प्रमुख प्रहरी निरीक्षक वकिल सुनारले जानकारी दिए ।

घाइते सबैको स्थानीय अस्पतालमा उपचार भइरहेको छ। बिहीबार दिउँसो रत्नराजमार्गस्थित भेरीगंगा नगरपालिका–३ सत्तरीमा नेपालगञ्जबाट सुर्खेततर्फ आउँदै गरेको ना ४ ख ६२६३ नम्बरको बस र विपरीत दिशामा रहेको कर्णाली प्रदेश ०२००१ क ००४८ नम्बरको मिनी ट्रकसँग ठोक्किएको थियो ।