.gif)
 (1).png){kind=logo}
.png)
मोर्चाबन्दी गर्न मधेस केन्द्रित दलहरुले गठन गरे कार्यदल
काठमाडौं । मधेश केन्द्रित दलहरुबीच सहकार्यको वातावरण बनाउन र साझा एजेण्डा तय गर्न आठ सदस्यीय कार्यदल गठन भएको छ । सिंहदरबारमा बसेको ८ दलको बैठकले सबै दलका प्रतिनिधि रहने गरी कार्यदल बनाएको नेता केशव झाले जानकारी दिए ।
कार्यदलमा जसपाबाट इस्तियाक राई, जनमतका शरद सिंह यादव, जसपा नेपालका मनिष सुमन, नागरिक उन्मुक्तिका गंगाराम चौधरी, लोसपाका लक्ष्मणलाल कर्ण, राष्ट्रिय मुक्ति पार्टीका केशव झा, जनता प्रगतिशीलका शिवजि यादव र तमलोपाका ब्रजेस सिंह छन् । आठ दल सम्मिलित कार्यदलले साझा एजेण्डा तय गर्न मस्यौदा बनाउने, कार्यदलमा भएका विषय दलमा राख्ने, विधेयकमा समान धारणा लगातयका कार्य गर्ने जनमतका प्रवक्ता शरदसिंह यादवले जानकारी गराए ।
जनमत प्रवक्ता यादवले भने, ‘सरकारले ल्याएका विधेयकमा साझा धारणा बनाएर संसदमा रहेका दलले कस्तो रुपमा प्रस्तुत हुने बारेमा छलफल भएको छ । सामाजिक सञ्जाललाई नियमन भन्दा पनि नियन्त्रण विधेयक सरकारले ल्याएको छ । अभिव्यक्ति स्वतन्त्रतालाई कुण्ठित गर्न भएन ।’ बैठकमा साझा धारणा सार्वजनिक गर्न ढिला गर्न नहुनेमा सबै दल एकमत रहेको राष्ट्रिय मुक्ति मोचौका नेता केशव झाले जानकारी दिए ।
