.gif)
 (1).png){kind=logo}
.png)
टिपरको ठक्करबाट किशोरको मृत्यु, किशोरी घाइते
तनहुँ । पृथ्वी राजमार्ग अन्तर्गत तनहुँको म्याग्दे गाउँपालिका–१ फुस्रेखोलामा शनिबार टिपरको ठक्करबाट एक किशोरको मृत्यु भएको छ भने एक किशोरी घाइते भएकी छन् । मृत्यु हुनेमा व्यास नगरपालिका–६ का १८ वर्षीय मनिष आले मगर रहेको जिल्ला प्रहरीले जनाएको छ ।
पोखराबाट दमौलीतर्फ आउँदै गरेको ग १ ख ५८७५ नम्बरको टिपर र विपरित दिशाबाट जाँदै गरेको ग २५ प ५५२२ नम्बरको स्कुटर एक आपसमा ठक्कर खाइ दुर्घटना भएको जिल्ला प्रहरी नायब उपरीक्षक अशोक थापाले बताए ।दुर्घटनामा घाइते भएका स्कुटर चालक मनिष र स्कुटरमा पछाडि सवार १५ वर्षीया अनिशा आले मगर घाइते भइ उपचारका लागि प्रदेश अस्पताल दमौली पठाइएको थियो ।
प्रहरी नायब उपरीक्षक थापाका अनुसार उपचारका क्रममा मनिषलाई चिकित्सकले मृत घोषणा गरेका हुन् । घाइते अनिशालाई थप उपचारका लागि गण्डकी मेडिकल कलेज पोखरा रिफर गरिएको छ । उक्त घटनाका सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।
