जीप दुर्घटना, तीन जनाको मृत्यु

---

नयाँ पेज

२०८२ बैशाख १६ सोमबार २२:०० बजे

पाल्पा । पाल्पाको रैनादेवी छहरा गाउँपालिका–१ मा जीप दुर्घटना हुँदा तीन जनाको मृत्यु भएको छ। चालकसहित दुई जना घाइते भएका छन् । असारेबाट ठूलोपोखरीतर्फ जाँदै गरेको लु ३ च २३५७ नम्बरको जीप आइतबार राति करिब १०ः१० बजेतिर अनियन्त्रित भई सडकबाट करिब २०० मिटर तल खसेको थियो ।

दुर्घटनामा रैनादेवी छहरा गाउँपालिका–१ असारेका २२ वर्षीय जनक रेगामी, ३६ वर्षीय दिपेन्द्र बुढा र ३१ वर्षीय चेतनारायण विक छन् । उनीहरुको उपचारको क्रममा अस्पतालमा मृत्यु भएको जिल्ला प्रहरी कार्यालय पाल्पाका सूचना अधिकारी डिएसपी सुनिल मल्लले जानकारी दिए । दुर्घटनामा २७ वर्षीय जीप चालक रञ्जन रेस्मी र २२ वर्षीय सरोज बुढा घाइते छन् । उनीहरुको मिसन अस्पताल पाल्पामा उपचार जारी छ ।