दानबहादुर कार्कीलाई घरमै पुगेर थमाइयो विशेष सल्लाहकार नियुक्तिको पत्र


२०८३ कार्तिक २९ आइतबार १७:१७ बजे
फाइल फोटो

काठमाडौं : प्रहरी महानिरीक्षक (आईजीपी) पदबाट हटाएर प्रधानमन्त्रीको विशेष सल्लाहकार नियुक्त गरिएका दानबहादुर कार्कीलाई सरकारले घरमै पुगेर नियुक्तिपत्र बुझाएको छ ।

प्रधानमन्त्री बालेन्द्र शाहको विशेष सल्लाहकार नियुक्त गरिएको पत्र कार्कीले सुरुमा बुझ्न नमानेपछि गृह मन्त्रालयका एक कर्मचारीले गत १८ कात्तिकमा उनको घरमै पुगेर पत्र बुझाएको उच्च स्रोतले जनाएको छ ।

‘उहाँले सल्लाहकारको पत्र बुझ्न नमानेपछि घरमै पुगेर पत्र बुझाइएको हो,’ उच्च स्रोतले भन्यो ।

गत १८ कात्तिकमा बसेको मन्त्रिपरिषद् बैठकले कार्कीलाई आईजीपीबाट हटाएर प्रधानमन्त्रीको विशेष सल्लाहकार नियुक्त गर्ने निर्णय गरेको थियो । सोही बैठकले एआईजी डा. मनोजकुमार केसीलाई नेपाल प्रहरीको महानिरीक्षकमा नियुक्त गरेको थियो ।

कार्कीका लागि प्रधानमन्त्री तथा मन्त्रिपरिषद्को कार्यालयमा कार्यकक्षसमेत व्यवस्था गरिएको छ ।

तर, सरकारको निर्णयविरुद्ध कार्की सर्वोच्च अदालत पुगेका छन् । आईजीपी पदमा पुनर्बहालीको माग गर्दै उनले रिट दायर गरेका हुन् । 

उक्त रिटमा सोमबारका लागि पेसी तोकिएको भए पनि सार्वजनिक बिदाका कारण सुनुवाइ नहुने भएको छ ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७