इनम सापकोटा प्रकरणमा एमालेको प्रश्न : अनुसन्धान किन रहस्यमयी ?


२०८३ कार्तिक ३० सोमबार १५:११ बजे
फाइल फोटो

काठमाडौं : नेकपा (एमाले)का महासचिव शंकर पोखरेलले बिचौलिया भनिएका इनम सापकोटामाथि भइरहेको अनुसन्धानको प्रक्रियामाथि प्रश्न उठाएका छन् ।

उनले सरकारले सापकोटालाई नियन्त्रणमा लिए पनि अनुसन्धान प्रक्रिया रहस्यमयी र अपारदर्शी देखिएको टिप्पणी गरेका छन् ।

पार्टी कार्यालय च्यासलमा आयोजित पत्रकार सम्मेलनमा बोल्दै पोखरेलले इनम सापकोटा प्रधानमन्त्री बालेन शाहको राजनीतिक तथा चुनावी अभियानदेखि सरकार सञ्चालनको आन्तरिक टोलीसम्म जोडिएको चर्चा बाहिर आएको बताए ।

प्रधानमन्त्रीलाई झापाबाट उम्मेदवार बनाउँदा उपयुक्त हुने वा नहुने विषयमा गरिएको सर्वेक्षणदेखि चुनावी अभियानसम्म सापकोटाको संलग्नता रहेको विश्लेषण सार्वजनिक भएको उनले बताए ।

पोखरेलले प्रधानमन्त्री बनेपछि सरकारलाई सफल बनाउने विषयमा तयार गरिएको कोर टिममा समेत सापकोटा रहेको भन्ने कुरा बाहिर आएको उल्लेख गरे ।

उनले प्रधानमन्त्रीका सल्लाहकारले प्रहरी नियन्त्रणमा लिएको मोबाइल दुई–तीन दिनसम्म आफूसँग राखेको विषयसमेत सार्वजनिक भएको भन्दै अनुसन्धानको निष्पक्षतामाथि प्रश्न उठाए ।

‘अहिले यही सरकारले इनम सापकोटालाई नियन्त्रणमा ल्याएको छ,’ पोखरेलले भने, ‘तर पनि अनुसन्धानको प्रक्रिया रहस्यपूर्ण देखिँदै छ, पारदर्शी छैन ।’

उनले प्रधानमन्त्री बालेन शाहको कार्यशैलीप्रति समेत चर्को आलोचना गरेका छन् ।

लेखक चिनारी

प्रतिक्रिया
यो पनि पढ्नुहोस्
  • प्रधान सम्पादक
  • राजेश राई
  • कार्यकारी सम्पादक
  • देविका घर्ती मगर
  • प्रबन्ध निर्देशक
  • प्रविन कुलुङ राई
  • सूचना तथा प्रसारण विभाग दर्ता नं.
  • १८०२/२०७६-७७