.gif)
 (1).png){kind=logo}
.png)
‘हनी ट्रयाप’ मा पारेर एक करोड ‘बार्गेनिङ’, युवतीसहित दुई जना पक्राउ
काठमाडौं । ‘हनी ट्रयाप’ मा पारेर एक करोड रुपैयाँ मोलमोलाई (बार्गेनिङ) गरेको आरोपमा युवतीसहित दुई जना पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले उनीहरुलाई पक्राउ गरेको हो ।
सामाजिक सञ्जालमार्फत सम्पर्क गरेर पीडितलाई साथी बनाएकी युवतीले कोठामा बोलाएर अश्लील भिडिओ रेकर्ड गरेकी थिइन् । सोही भिडिओ देखाएर उनीहरुले उक्त रकमको बार्गेनिङ गरेका थिए । प्रहरीका अनुसार उनीहरुले पीडितसँग १५ लाख रुपैयाँ लिइसकेका थिए ।
पक्राउ पर्नेमा सिन्धुपाल्चोकको मेलम्चीकी २० वर्षीया तेन्जी डोल्मा छिरिङ भन्ने सिर्जना तामाङ र जुगलका २९ वर्षीय सौरभ तामाङ भन्ने लिलाबहादुर तामाङ छन् । लिलाले पीडितको फेसबुक लिंक सिर्जनालाई पठाएर साथी बन्न लगाएको काठमाडौं उपत्यका अपराध अनुसन्धान कार्यालयका प्रमुख सानुराम भट्टराईले जानकारी दिए । ‘युवतीले पीडितलाई आफ्नै कोठामा बोलाएर गरेको अश्लील हर्कत मोबाइलमा गोप्य रुपमा रेकर्ड गरेर बार्गेनिङ सुरु गरेको देखिएको छ’, एसएसपी भट्टराईले भने ।
