.gif)
 (1).png){kind=logo}
.png)
थाइ एयरवेजको जहाजमा प्राविधिक समस्या, उडान रद्द
२०:३२ बजे
काठमाडौं । थाइ एयरवेजको जहाजमा प्राविधिक समस्या देखिएपछि आज (बिहीबार) दिउँसोको उडान रद्द भएको छ। बिहीबार दिउँसो १ः२५ को उडान तालिका रहेको उक्त जहाजमा प्राविधिक समस्या देखिएको त्रिभुवन अन्तर्राष्ट्रिय विमानस्थल कार्यालयले जनाएको छ ।
राति १२ बजे थाइको अर्को जहाज बैंककबाट काठमाडौं आउने विमानस्थलका महाप्रबन्धक जगन्नाथ निरौलाले जानकारी दिए । सो जहाजमा केही प्राविधिकसहित स्पेयर पार्टस् ल्याएर मर्मत गर्ने कम्पनीको तयारी रहेको उनले जानकारी दिए । बिहीबार २९६ यात्रु काठमाडौंबाट बैंकक जाने तयारीमा थिए । आजका लागि थाइको जिएसए सोसाइटी इन्टरनेसनलले सबै यात्रुलाई होटलमा बस्ने व्यवस्था मिलाएको उनले जानकारी दिए ।
