आज पनि एकै दिन २२ सयले घट्यो सुनको भाउ, तोलाको कतिमा हुँदैछ कारोबार ?

---

नयाँ पेज

२०८१ कार्तिक २९ बिहीबार २३:४६ बजे

काठमाडौं । नेपाली बजारमा केहि दिनयता लगातार सुनको भाउ ओरालो लागिरहेको छ । दिनहुँ सुनको भाउ ओरालो लाग्दा नेपाली उपभोक्तालाई केहि राहत मिलेको छ । आज (बिहीबार) सुनचाँदी दुबैको मूल्य घटेको छ ।

आज सुनको भाउ तोलामा २२ सय रुपैयाँले घटेर प्रतितोला एक लाख ६० हजार रुपैयाँमा कारोबार भइरहेको सुनचाँदी व्यवसायी महासंघले जनाएको छ । हिजो सुन प्रतितोला १ लाख ६२ हजार २ सय रुपैयाँमा कारोबार भएको थियो ।

आज चाँदीको भाउ पनि घटेको छ । आज चाँदी प्रतितोला ३५ रुपैँयाले घटेको छ । आज चाँदी तोलामा १ हजार ९०५ रुपैयाँमा कारोबार भइरहेको छ । हिजो चाँदी १९ सय ४० रुपैयाँमा कारोबार भइरहेको थियो ।