विश्वकपमा छानिएको नेपाली क्रिकेट टोलीलाई विमानस्थलमा भव्य स्वागत

---

नयाँ पेज

२०८१ कार्तिक २९ बिहीबार ०३:५१ बजे

काठमाडौं । १९ वर्षमुनिको विश्वकपमा छानिएर इतिहास रचेको नेपाली महिला क्रिकेट टोली स्वदेश फर्किएको छ । विश्वकपमा पुगेको टोलीलाई त्रिभुवन अन्तर्राष्ट्रिय विमानस्थलमा नेपाल क्रिकेट संघ (क्यान) ले भव्य स्वागत गरेको छ । 

विश्वकप छनोटको अन्तिम तथा निर्णायक खेलमा बुधबार घरेलु टोली यूएईलाई ८ विकेटले हराउँदै महिला टोली पहिलो पटक विश्वकपमा स्थान बनाउन सफल भएको थियो । विश्वकपका साथै नेपाल यू–१९ एसिया कपका लागि पनि छनोट भएको छ । एसीसीको आयोजनामा आगामी डिसेम्बरमा हुने यू–१९ महिला एसिया कपका लागि पनि नेपाल छनोट भएको हो । यू–१९ एसिया कप क्रिकेटमा नेपालसँगै पाकिस्तान, भारत श्रीलंका, बङ्गलादेश र मलेसिया सहभागी हुनेछन्।