नारायणघाट–मुग्लिन सडकमा ट्रक पल्टिँदा एकको मृत्यु, दुई जना च्यापिए

---

नयाँ पेज

२०८१ मङ्सिर ९ आइतबार २३:४४ बजे

चितवन । नारायणघाट–मुग्लिन सडकको नौकिलोमा ट्रक पल्टिँदा एक जनाको मृत्यु भएको छ । ट्रकमा सवार दुई जनालाई उद्धार गरेर उपचारका लागि भरतपुर ल्याइएको प्रहरीले जानकारी दिएको छ । अन्य दुई जनालाई ट्रकले च्यापेको जिल्ला प्रहरी कार्यालयका डीएसपी ज्ञानकुमार महतोले बताएका छन् । 

सडकमा पल्टिएको ट्रक उठाउन क्रेन पठाइएको छ । नारायणघाटबाट मुग्लिनतर्फ जाँदै गरेको बागमती प्रदेश ०३ ०१ ख ३४९० नम्बरको ट्रक पल्टिएको हो । घाइतेहरूको भरतपुरस्थित चितवन मेडिकल कलेज र अलाइभ हस्पिटल एन्ड ट्रमा सेन्टरमा उपचार भइरहेको छ । मृतकको सनाखत भइनसकेको डीएसपी महतोले बताएका छन् ।