बाँसझ्याङमा लुकाइएको सात क्विन्टल लसुन बरामद

---

नयाँ पेज

२०८१ मङ्सिर १२ बुधबार १२:१४ बजे

झापा । झापाको मेचीनगर नगरपालिका–६ बाट स्थानीय प्रशासनले सात क्विन्टल लसुन बरामद गरेको छ ।बाँसझ्याङमा लुकाएको तीन लाख पचास हजार बराबरको उक्त परिमाणको लसुन गए राति बरामद गरिएको हो । बरामद लसुन मेची भन्सार कार्यालय पठाइएको छ । 

सवारी दुर्घटनामा मृत्यु 

पूर्व– पश्चिम राजमार्गअन्तर्गत शिवसताक्षी नगरपालिका– १ कमल पुलमा गए राति भएको  सवारी दुर्घटनाका घाइतेको उपचारका क्रममा आज बिहान मृत्यु भएको छ । दुर्घटनामा घाइते भएका मोटरसाइकल चालक  ४० वर्षीय ललित बहादुर थापाको मृत्युभएको हो । निजलाई विपरीत दिशाबाट आएको जिपले ठक्कर दिएको थियो । जिप र त्यसका चालकलाई प्रहरीले नियन्त्रणमा लिएको छ ।