.gif)
 (1).png){kind=logo}
.png)
सेतीको ड्याममा खसेर युवकको मृत्यु
२१:३५ बजे
कास्की । सेती नदीको ड्यामबाट खसेका एक २१ वर्षीय युवक मृत भेटिएका छन् । बुधबार साँझ पोखरा महानगरपालिका–१६ दिपहाउजिङ नजिकै रहेको सेतीको ड्याममा खसेर कैलालीको धनगढी घर भई पश्चिममाञ्चल ईन्जिनियरिङ कलेज लामाचौरमा अध्ययनरत पोखरा–१९ लामाचौरमा डेरा गरी बस्ने संगम पौडेलको मृत्यु भएको हो ।
ड्याम मान्छे खसेको सूचना आएपछि सशस्त्र प्रहरी बल, कालीका गण कास्कीबाट उद्धार टोली खटिएको थियो । ४ जना गोताखोरसहित ९ जनाको विशेष विपद् व्यवस्थापन टोलीले उनको शव निकाली पोस्टमार्टमका लागि मनिपाल शिक्षण अस्पताल लगिएको सशस्त्र प्रहरीले जनाएको छ ।
