.gif)
 (1).png){kind=logo}
.png)
रवि लामिछाने रिहा, काठमाडौंमा आफै उपस्थित हुने
०५:२० बजे
पोखरा । सहकारी ठगी प्रकरणमा पक्राउ परेका राष्ट्रिय स्वतन्त्र पार्टी (रास्वपा) सभापति रवि लामिछाने ८४ दिनपछि थुनामुक्त भएका छन् । उनलाई रिहा भए लगत्तै फेरि पक्राउ गर्ने तयारीबाट प्रहरी पछि हटेको छ ।
जिल्ला अदालत कास्कीले रविलाई ६५ लाख रुपैयाँ धरौटीमा छोड्ने आदेश दिएको छ । सो धरौटी बुझाएर रवि रिहा भएको रास्वपा प्रवक्ता मनिष झाले जानकारी दिए । उनी अदालतबाट आफ्नै गाडीमा निस्किने र अस्पताल जाने बताइएको छ ।
फिस्टेल अस्पतालमा स्वास्थ्य परीक्षणपछि उनलाई पार्टीको जिम्मा लगाइने प्रहरी स्रोतले बताएको छ । लामिछानेले ६५ लाखको बैंक जमानत बुझाएका छन् । उनीविरुद्ध काठमाडौंमा अर्काे मुद्दा दायर भएको छ । रास्वपा कोषाध्यक्ष दीपक बोहराले सभापति लामिछाने आफैं काठमाडौं जिल्ला अदालतमा उपस्थित हुने जानकारी दिए ।
