.gif)
 (1).png){kind=logo}
.png)
हाइटेन्सन तारबाट करेन्ट लागेर टिपरमा आगलागी, चालक गम्भीर घाइते
रौतहट । रौतहटमा ११ हजार भेल्टेजको हाइटेन्सन तारबाट करेन्ट लागेर मालवाहक टिपरमा आगलागी हुँदा पूर्णरुपमा क्षति भएको छ । आगलागीपछि टिपर चालक गम्भीर घाइते भएका छन् ।
बिहीबार बिहान ८ बजेको जिल्लाको पूर्वी भेग वृन्दावन नगरपालिका–४ स्थित क्रसर उद्योगमा लु १ त २८४९ नम्बरको टिपर बालुवा झार्ने क्रममा ११ हजार भोल्ट भएको तारबाट करेन्ट लागेर टिपरमा आगलागी हुँदा पूर्ण रुपमा क्षतिग्रस्त भएको हो । टिपरका चालक जयप्रकाश सहनी करेन्ट लागेर गम्भीर घाइते भएका छन् । उनको गरुडास्थित एउटा निजी अस्पतालमा उपचार भइरहेको तथा अवस्था खतरामुक्त रहेको इलाका प्रहरी कार्यालय गरुडाका प्रमुख डिएसपी राजन कार्कीले बताएका छन् ।
डिएसपी कार्कीका अनुसार टिपरबाट बालुवा झार्न माथि उठाएको ट्रली तल नझारी फर्काउने क्रममा माथिको हाइटेन्सन तारमा छोएर दुर्घटना भएको थियो । घटना सम्बन्धमा आवश्यक अनुसन्धान गरिरहेको ईलाका प्रहरी कार्यालय गरुडाले जनाएको छ ।
