.gif)
 (1).png){kind=logo}
.png)
नेपाल महिला टोली खो खो विश्वकपको फाइनलमा
काठमाडौं । नेपाली खो खो महिला टाेली विश्वकपको फाइनलमा पुगेको छ । भारतमा जारी विश्वकपमा शनिवार युगान्डालाई पराजित गर्दै नेपाली टोली पहिलो पटक विश्वकपको फाइनलमा पुगेको हो ।
नयाँदिल्लीमा रहेको इन्दिरा गान्धी हलमा भएको खेलमा नेपालले सेमिफाइनल खेलमा युगान्डालाई ८९–१८ को फराकिलो अन्तरले पराजित गरेको हो । अब नेपालले फाइनलमा अर्को सेमी फाइनलका प्रतिस्पर्धी दक्षिण अफ्रिका र भारतबीचको विजेता टोलीसँग सामना गर्नेछ ।
नेपालले ऐतिहासिक फाइनलमा पुग्दासम्म अपराजित रह्यो । जसमा हालसम्म भएका सबै ६ खेलमा जित निकालेको हो। यसअघि समूह चरणमा भुटान, जर्मनी, श्रीलङ्का, बाङ्लादेशलाई नेपालले पराजित गरेको थियो । क्वार्टर फाइनलमा इरानलाई १०३–८ अङ्कको अन्तरले हराएर सेमिफाइनलको यात्रा तय गरेको थियो । यस्तै नेपालको पुरुष टोली पनि सेमिफाइनलमा पुगेको छ । जहाँ शनिवारै इरानसँग प्रतिस्पर्धा गर्नेछ ।
