एमाले संसदीय दलको बैठक बस्दै, के–के छन् एजेण्डा ?

---

नयाँ पेज

२०८१ माघ १५ मंगलबार ०२:०४ बजे

काठमाडौं । सत्तारूढ नेकपा एमाले संसदीय दलको बैठक आज (मंगलबार) बस्दैछ । एमाले संसदीय दलको बैठक आज दिउँसो १ बजे नयाँ बानेश्वरस्थित संघीय संसद् भवनको ल्होत्से हलमा बस्न लागेको हो । आसन्न संसद्को हिउँदे अधिवेशनबारे छलफल गर्न संसदीय दलको बैठक बस्न लागेको प्रमुख सचेतक महेश बर्तौलाले जानकारी दिएका छन् । आजको बैठकमा आगामी अधिवेशनलाई प्रभावकारी बनाउने विषयमा छलफल हुने उनले जानकारी दिए ।

सरकारले संसद छलेर अध्यादेश जारी गरेको भन्दै प्रमुख प्रतिपक्षी नेकपा (माओवादी केन्द्र) सहित ६ विपक्षी दलले सदनमा प्रमुखरूपमा आवाज उठाउन लागेका छन् । एमालेले सरकारले जारी गरेको अध्यादेशको प्रतिरक्षा गर्ने गरी तयारी गर्न संसदहरूलाई निर्देशन दिने तयारी गरेको छ । संसदको हिउँदे अधिवेशन यही माघ १८ गतेबाट सुरू हुँदैछ।