.gif)
 (1).png){kind=logo}
.png)
‘डज’ छाडे लगतै ट्रम्पको आलोचनामा उत्रिए मस्क
काठमाडौं । अर्बपति एलन मस्कले अमेरिकी राष्ट्रपति डोनाल्ड ट्रम्पको कर तथा खर्च विधेयकको कडा आलोचना गरेका छन् । उनले यसलाई ‘घृणित’ टिप्पणी गरेको बीबीसीले जनाएको छ ।
यो कानुन मे महिनामा अमेरिकी संसद्को तल्लो सदन हाउस अफ रिप्रेजेन्टेटिभबाट पारित भएको थियो । यो कानुनमा धेरै ट्रिलियन डलर बराबरको कर छुट, रक्षा खर्चमा वृद्धि र अमेरिकी सरकारलाई थप ऋण लिन अनुमति दिने बुँदा समावेश छन् । यसका पक्षमा मतदान गर्नेहरूलाई लाज लाग्नु पर्ने मस्कले मंगलबार सामाजिक सञ्जाल एक्समा लेखेका छन् । सरकारी दक्षता विभाग (डीओजीई)मा १२९ दिन काम गरेपछि अर्बपति मस्कले गत हप्ता प्रशासन छोडेका थिए ।
सरकार छोडेपछि मस्कले ट्रम्पप्रति गरेको यो पहिलो टिप्पणी हो । यो विधेयकलाई यसअघि मस्कले ‘निराशाजनक’ भनेका थिए । मंगलबार एक्समा मस्कले भने, ‘यसले पहिले नै अमेरिकी बजेट घाटा ४२.५ ट्रिलियनमा थप्नेछ । र, अमेरिकी नागरिकमा दिगो ऋणको बोझ थप्नेछ ।’ बीबीसी
