.gif)
 (1).png){kind=logo}
.png)
पेट्रोलियम पदार्थ आयातमा भन्सार कर ५० प्रतिशत छुट
२०८२ चैत २४ मंगलबार १४:०७ बजे
काठमाडौं : सरकारले पेट्रोलियम पदार्थ आयातमा लाग्दै आएको भन्सार करमा ५० प्रतिशत छुट दिने निर्णय गरेको छ ।
मंगलबार बसेको मन्त्रिपरिषद् बैठकले उक्त निर्णय गरेको संघीय मामिला तथा सामान्य प्रशासनमन्त्री प्रतिभा रावलले जानकारी दिइन्। उनका अनुसार, निर्णय कार्यान्वयनका लागि नेपाल राजपत्रमा सूचना प्रकाशन गर्ने पनि मन्त्रिपरिषद्ले निर्णय गरेको छ।
‘पेट्रोल, डिजेल र मट्टितेलको पैठारीमा लाग्दै आएको भन्सार महसुल र पूर्वाधार विकास करमा ५० प्रतिशत छुट प्रदान गर्ने र सो को सूचना नेपाल राजपत्रमा प्रकाशन गर्ने,’ मन्त्री रावलले भनिन्। पेट्रोलियम पदार्थको मूल्य समायोजन आवश्यक देखिएको पनि उनले उल्लेख गरिन्।
‘मूल्य समायोजनको बाध्यता छ । सरकारले यो तथ्य लुकाउँदैन, पेट्रोलियम पदार्थको मूल्य समायोजन गर्न व्यवहारिक देखिएको छ,’ मन्त्री रावलले भनिन्।
