.gif)
 (1).png){kind=logo}
.png)
फ्रान्सलाई हराउन सक्छौँ भन्ने विश्वास स्वाभाविक हो : स्पेनी प्रशिक्षक डे ला फुएन्ते
काठमाडौं । फिफा विश्वकप २०२६ को क्वार्टरफाइनलमा बेल्जियमलाई २–१ ले पराजित गर्दै सेमिफाइनलमा पुगेपछि स्पेनका मुख्य प्रशिक्षक लुइस डे ला फुएन्तेले फ्रान्सविरुद्ध पनि आफ्नो टोली आत्मविश्वासी रहेको बताएका छन्।
बेल्जियममाथिको जितपछि सञ्चारकर्मीसँग कुरा गर्दै डे ला फुएन्तेले फ्रान्सलाई हराउन सक्ने विश्वास स्वाभाविक र उचित भएको बताए।
‘हामीले फ्रान्सलाई हराउन सक्छौँ भनेर सोच्नु स्वाभाविक र न्यायसंगत नै हो। त्यसका लागि हामी कडा मिहिनेत गर्नेछौँ,’ उनले भने। ‘उनीहरूलाई दुई पटकसम्म पराजित गर्न सफल हुने हामी एक मात्र टोली हौँ। अब एउटा उत्कृष्ट टोलीले अर्को उत्कृष्ट टोलीको सामना गर्दैछ।’
उनले आफ्नो टोलीको समर्पण, अनुशासन र निरन्तर सुधार गर्ने चाहनाको पनि खुलेर प्रशंसा गरे। ‘यो टोलीको सबैभन्दा ठूलो विशेषता भनेकै प्रतिबद्धता हो। सधैँ सुधार गर्न लालायित यस्ता खेलाडीलाई प्रशिक्षण दिन पाउनु मेरो लागि गर्वको कुरा हो,’ उनले भने।
स्पेन र फ्रान्सबीचको सेमिफाइनल विश्वकप २०२६ कै सबैभन्दा प्रतीक्षित खेलमध्ये एक मानिएको छ। दुवै टोली उत्कृष्ट लयमा रहेकाले फाइनल प्रवेशका लागि हुने यो भिडन्त निकै प्रतिस्पर्धात्मक हुने अपेक्षा गरिएको छ।
