.gif)
 (1).png){kind=logo}
.png)
एनपीएलमा आज दुई खेल : लुम्बिनी–जनकपुर र विराटनगर–काठमाडौं भिड्दै
काठमाडौं : नेपाल प्रिमियर लिग (एनपीएल) क्रिकेटअन्तर्गत आज दुई खेल हुँदैछन् । कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने खेलमा चार टोली प्रतिस्पर्धामा उत्रिँदैछन् ।
बिहीबार दिउँसो साढे १२ बजे हुने पहिलो खेलमा लिगको शीर्ष स्थानमा रहेको लुम्बिनी लायन्सले जनकपुर बोल्ट्ससँग प्रतिस्पर्धा गर्नेछ ।
लुम्बिनीले तीन खेलबाट दुई जित निकालेको छ भने वर्षाका कारण एक खेल रद्द भएपछि अंक बाँडेको छ । टोली ५ अंकसहित तालिकाको शीर्ष स्थानमा छ ।
यता जनकपुरले चार खेलमध्ये दुईमा जित र दुईमा हार बेहोरेको छ । ४ अंक जोडेको जनकपुर तालिकाको चौथो स्थानमा छ ।
आजै दिउँसो साढे ४ बजे हुने दोस्रो खेलमा विराटनगर किंग्स र काठमाडौं गोर्खाज आमनेसामने हुनेछन् ।
विराटनगरले चार खेलबाट दुई जित र दुई हारसहित ४ अंक जोडेको छ । ऊ तालिकाको दोस्रो स्थानमा छ । काठमाडौं गोर्खाज भने दुई खेलमध्ये एकमा जित र एकमा हार बेहोर्दै सातौं स्थानमा रहेको छ ।
