सभापतिको गिरफ्तारी सहज रूपमा दिन्छौँ, प्रतिकार गर्दैनौं : मनिष झा
काठमाडौं । राष्ट्रिय स्वतन्त्र पार्टी (रास्वपा) का कार्यवाहक प्रवक्ता मनिष झाले पार्टी सभापति रवि लामिछानेको गिरफ्तारीमा प्रतिकार नगर्ने बताएका छन् । लामिछानेविरुद्ध पक्राउ पुर्जी जारी भएपछि प्रतिक्रिया दिँदै झाले सो कुरा बताएका हुन् ।
उनले भने, ‘हामी कानुनी राज्यको सम्मान गर्छौं । हामी सहज रूपमा गिरफ्तारी दिन्छौँ, प्रतिकार गर्दैनौं ।’ त्यस्तै उनले लामिछानेलाई पक्राउ गर्न पुर्जी लिएर प्रहरी टोली पार्टी केन्द्रीय कार्यालय आएको पनि बताएका छन् ।