शान्ति प्रक्रियासम्बन्धी विधेयकमा सहमति हुनु सुखद सन्देश : प्रधानमन्त्री ओली
काठमाडौं । प्रधानमन्त्री केपी शर्मा ओलीले विगत १७ वर्षदेखि बाँकी रहेको शान्ति प्रक्रियासम्बन्धी कानुन (टीआरसी) विधेयकमा सर्वसम्मति भई प्रमाणीकरण हुनु सुखद सन्देश भएको बताएका छन् ।
‘शान्ति प्रक्रियाका बाँकी कामलाई अन्तिम निष्कर्ष नजिक पुर्याउन हामी सफल भएका छौं,’ उनले भने, ‘सत्य निरुपण आयोगसम्बन्धी ऐन संशोधन गर्न बनेको विधेयक सर्वसम्मतिबाट स्वीकृत र विधेयक प्रमाणीकरण भएको छ ।’ आयोग गठनका लागि सिफारिस हुनु र लामो समय द्वन्द्व खेपेको हाम्रो समाजका लागि यो सुखद सन्देश भएको पनि उनले बताए ।