.gif)
 (1).png){kind=logo}
.png)
उपचारका लागि छुटेका धवल राजावादीको विरोधसभामा
काठमाडौं । स्वास्थोपचारका लागि हाजिरी जमानीमा प्रहरी हिरासतबाट छुटेका राष्ट्रिय प्रजातन्त्र पार्टी (राप्रपा) का महामन्त्री धवलशमशेर राणा राजावादी आन्दोलनमा सक्रिय भएका छन् । उनी राप्रपा नेपालले सोमबार भृकुटीमण्डपमा आयोजना गरेको प्रदर्शन र सभामा सहभागी भएका हुन् ।
गत चैत १५ गते काठमाडौंको तीनकुने क्षेत्रमा राजावादीले गरेको हिंसात्मक प्रदर्शनपछि पक्राउ गरेका उनी वैशाख ७ गते हाजिरी जमानीमा छुटेका थिए । स्वास्थ्य उपचारका लागि भारत जाने भन्दै छुटेका राणा पुनः राजावादी आन्दोलनमा सहभागी भएका हुन् । उनी सोमबार काठमाडौंको भृकुटीमण्डमा राप्रपा नेपालले गरेको विरोधसभामा सहभागी भएका छन् । उनीसँगै राप्रपा उपाध्यक्ष विक्रम पाण्डे पनि विरोधसभामा सहभागी छन् ।
क्यान्सरको उपचार गर्न भारत जानुपर्ने भएको हुनाले उनलाई रिहा गर्नुपरेको प्रहरीले जनाएको थियो । प्रहरीका अनुसार उनको आज (१५ वैशाखमा) फलोअपको अपोइन्टमेन्ट थियो । राणासँगै पक्राउ परेका राप्रपाका वरिष्ठ उपाध्यक्ष रविन्द्र मिश्र भने प्रहरी हिरासतमै छन् ।
