जेलेन्स्कीको आक्रोश : कडा दबाब बिना रुसले युद्ध अन्त्य गर्दैन

---

नयाँ पेज

१६:११ बजे

काठमाडौं । युक्रेनी राष्ट्रपति भोलोदिमिर जेलेन्स्कीले रुस कडा दबाब बिना युद्ध अन्त्य गर्न अगाडि नसर्ने भन्दै आक्रोश व्यक्त गरेका छन् । उनले रुसमाथि कडा प्रतिबन्ध लगाउन आवश्यक रहेको बताए। ‘आज ५४ औं दिन हो जब रुसले पूर्ण युद्धविरामको लागि अमेरिकी प्रस्तावलाई बेवास्ता गरेको छ,’ जेलेन्स्कीले एक्समा पोस्ट गर्दै भने, ‘हामी विश्वास गर्छौं कि जुनसुकै बेला युद्धविराम सम्भव छ, आजबाट पनि सुरु हुँदै, र कूटनीतिलाई वास्तविक मौका दिन कम्तीमा ३० दिनसम्म रहनु पर्छ।’

‘तीन वटा कुरा आवश्यक छ : रुसमाथि कडा प्रतिबन्ध, युक्रेनलाई निरन्तर समर्थन र युरोपभरि बढ्दो रक्षा सहयोग । रुसले जान्नु पर्छ कि युरोपेलीहरू आफ्नो रक्षा गर्न सक्षम छन्,’ उनले भने । युक्रेनी राष्ट्रपति जेलेन्स्कीले मे ४, आइतबार चेक गणतन्त्रका राष्ट्रपति पिटर पावेलसँग भेट गरेका थिए । रोयटर्सको रिपोर्ट अनुसार प्रागमा एक संयुक्त पत्रकार सम्मेलनमा जेलेन्स्कीले युक्रेनका सहयोगीहरूलाई रुसमाथि दबाब दिन अपील समेत गरेका छन् । एजेन्सी