.gif)
 (1).png){kind=logo}
.png)
बुद्धनगरमा एक व्यक्तिद्वारा आत्मदाहको प्रयास, अवस्था गम्भीर
२०८३ असार २७ शनिबार १०:५८ बजे
काठमाडौं, २७ असार : काठमाडौंको बुद्धनगरमा शनिबार बिहान एक व्यक्तिले आत्मदाहको प्रयास गरेका छन् । ४५ वर्षीय आश्विन राउतले आफ्नै घरको भान्सा कोठामा शरीरमा आगो लगाएर आत्मदाहको प्रयास गरेका हुन् ।
काठमाडौं प्रहरीका प्रवक्ता पवन भट्टराईका अनुसार शनिबार बिहान सवा ६ बजे उक्त घटना भएको थियो । घटनाबारे जानकारी पाउनासाथ तत्काल खटिएको प्रहरी टोलीले उनको उद्धार गरी उपचारका लागि वीर अस्पताल पुर्याएको छ ।
चिकित्सकहरूका अनुसार राउतको शरीरको करिब ५० प्रतिशत भाग जलेको छ र उनको अवस्था गम्भीर रहेको छ । प्रहरी प्रवक्ता भट्टराईले घटनाको कारण अहिलेसम्म नखुलेको बताएका छन् । राउत आफ्नी श्रीमती र छोरासँग सो घरमा बस्दै आएका थिए । घटनाका बेला घरमा श्रीमती र छोरा उपस्थित थिएनन् ।
