मनोज केसी नयाँ प्रहरी महानिरीक्षक नियुक्त

---

नयाँ पेज

२०८३ कार्तिक १८ बुधबार १४:०० बजे

काठमाडौं : सरकारले नेपाल प्रहरीको महानिरीक्षक (आईजीपी) मा अतिरिक्त प्रहरी महानिरीक्षक (एआईजी) मनोज केसीलाई नियुक्त गर्ने निर्णय गरेको छ ।

बुधबार बसेको मन्त्रिपरिषद् बैठकले केसीलाई प्रहरीको सर्वोच्च पदमा नियुक्त गर्ने निर्णय गरेको हो । 

मन्त्रिपरिषद् स्रोतका अनुसार हालका प्रहरी महानिरीक्षक दानबहादुर कार्कीलाई प्रधानमन्त्रीको विशेष सुरक्षा सल्लाहकारको जिम्मेवारी दिने निर्णयसमेत गरिएको छ ।

सरकारको निर्णयसँगै केसीले नेपाल प्रहरीको नेतृत्व सम्हाल्नेछन् ।