एआइजीपीहरुको सरुवा, को कहाँ पुगे ?

---

नयाँ पेज

१३:५४ बजे

काठमाडौं । नेपाल प्रहरीका प्रहरी अतिरिक्त महानिरीषक (एआइजीपी) को सरुवा तथा पदस्थापन भएको छ । भर्खरै बढुवा सिफारिस भएका एआईजीपी रामदत्त जोशीको पदस्थापनसँगै थप तीन एआइजीपीहरुको सरुवा प्रस्ताव गरिएको हो । 

नव नियुक्त एआइजीपी जोशीलाई नेपाल प्रहरी प्रधान कार्यालय कार्य विभाग, नक्सालमा पदस्थापन सिफारिस गरिएको छ भने काठमाडौँ उपत्यका प्रहरी कार्यालय रानीपोखरी (मेट्रो) र केन्द्रीय अनुसन्धान ब्युरो (सीआइबी) प्रमुखको पनि सरुवा गरिएको छ ।

हाल मेट्रो, रानीपोखरीका प्रमुख एआइजीपी दिपक थापालाई सिआइबी, लाजिम्पाट र नेपाल प्रहरी प्रधान कार्यालय कार्य विभागकी एआइजीपी किरण बज्राचार्यलाई उपत्यका प्रहरी कार्यालय रानी पोखरीमा पठाइने भएको स्रोतले जानकारी दिएको छ । थापालाई सीआइबीमा पठाइएसँगै त्यहाँस्थित श्यामलाल ज्ञवाली नेपाल प्रहरी प्रधान कार्यालय, प्रदेश समन्वय विभाग, नक्सालमा ल्याइएको छ । आगामी मन्त्रिपरिषद बैठकले गृह मन्त्रालयबाट पठाइएको प्रस्तावमाथि छलफलसँगै निर्णय गर्ने जनाइएको छ ।