.gif)
 (1).png){kind=logo}
.png)
नेपालले दियो कुवेतलाई १३१ रनको लक्ष्य
१५:३८ बजे
काठमाडौं । यु–१९ टी–२० विश्वकपअन्तर्गत एसिया क्षेत्र छनोटको आफ्नो दोस्रो खेलमा नेपालले कुवेत समक्ष १३१ रनको लक्ष्य प्रस्तुत गरेको छ । पहिले ब्याटिङ गरेको नेपालले निर्धारित २० ओभरमा ८ विकेट गुमाएर १ सय ३० रन बनायो ।
युएइको अजमानमा टस जितेर पहिले ब्याटिङ गरेको नेपालका लागि पूजा महतोले सर्वाधिक ३४ रन बनाउँदा सना प्रभिनले २५ रन बनाएकी थिइन् । त्यस्तै ज्योतिषनीका मरासीनीले २३ रन बनाउँदा अलिसाकुमारी यादवले १५ रन बनाइन् ।
कुवेतका लागि आयशा इकबाल पेवाकरले २ विकेट लिँदा जेफा जिलनी र अमिसा राम ओलाचेरीले समान १–१ विकेट लिए । यसअघि नेपालले आफ्नो पहिलो खेलमा थाइल्याण्डलाई पराजित गरेको थियो । पहिलो खेलमा थाइल्याण्डलाई हराएको नेपालले दोस्रो खेलमा लगातार जितको लक्ष्यसहित मैदान उत्रिएको छ ।
