.gif)
 (1).png){kind=logo}
.png)
काठमाडौंमा विहानैदेखि मापसे र लापसे जाँच
२०८१ फाल्गुण २९ बिहीबार १५:२१ बजे
काठमाडौं । काठमाडौं उपत्यकाको ट्राफिक जाँचलाई आज (बिहीबार) बिहानेदेखि कडा बनाइएको छ । होलीको बहानामा मादक र लागुपदार्थ सेवनगरी सवारी साधनमा चलाउने क्रमलाई नियन्त्रण गर्न उपत्यकाका विभिन्न ठाउँमा आज बिहानैदेखि कडाइका जाँच गर्न थालिएको हो ।
ट्राफिक प्रहरीका अनुसार बिहानैदेखि उपत्यकाका १७६ ठाउँमा जाँच भइरहेको छ । मादक पदार्थ सेवन गरेको र लागुपदार्थ सेवन गरेको चेकजाँच गरिरहेको प्रहरीले जनाएको छ । उपत्यकाका ६१ ठाउँमा डेडिकेटेड चेकपोइन्ट, ९६ ठाउँमा पिकेट र १९ ठाउँमा होली विशेष जाँच भइरहेको छ ।
होली विशेष सुरक्षा योजनाअन्तर्गत जनपथ, ट्राफिक र सादा पोशाकमा गरी कूल १७ सय ७ सुरक्षाकर्मी परिचालन गरिएको छ । कसैले मापसे-लापसे गरेको पाइए वा नियम उल्लंघन गरे दिनभरी सवारीसाधन होल्ड गर्नुका साथै कारबाही पनि गरिने ट्राफिक प्रहरीले जनाएको छ ।
