एन्फाका कोषाध्यक्ष जोशी र लेखापाल पाण्डेलाई थप ४ दिन हिरासतमा राख्न अनुमति

---

नयाँ पेज

२०८३ असोज ४ आइतबार १८:०६ बजे

काठमाडौं : जिल्ला अदालत ललितपुरले अखिल नेपाल फुटबल संघ (एन्फा)का कोषाध्यक्ष रवीन्द्र जोशी र लेखापाल सञ्जिव पाण्डेलाई थप ४ दिन हिरासतमा राखेर अनुसन्धान गर्न अनुमति दिएको छ। जिल्ला न्यायाधीश भगवती शर्मा ढुंगानाको इजलासले जोशी र पाण्डेलाई थप ४ दिन हिरासतमा राख्न अनुमति दिएको अदालतका सूचना अधिकारी टीकाध्वज कार्कीले जानकारी दिए।

नेपाल प्रहरीको केन्द्रीय अनुसन्धान ब्यूरो (सीआईबी)ले शुक्रबार एन्फा मुख्यालयमा छापा मारेर जोशी र पाण्डेलाई पक्राउ गरेको थियो। सीआईबीले एन्फामा भएको आर्थिक कारोबार तथा अनियमिततासम्बन्धी विषयमा अनुसन्धान गरिरहेको छ।